Gure etxaldetako ekoizpenak jenderaino eramaiten ditugu. Laborantza iraunkorraren pratikak bideratzen ditugu gure etxaldetan. Gure lan-moldeak ikertzen ditu kanpoko kontrola egitura batek. Ehun bat etxalde engaiatuak gira IDOKI kalitate agintza pean, etxe ekoizpen dibertsitate handia eskainiz jendeari elikatzeko.
IDOKI izenarekin bi ideia azpimarratu nahi dira : « idekidura » eta « gardentasuna ».
Muslari guziek ezagutzen dute IDOKI hitzaren erranahia. Karta jokoan bezala, Euskal Herriko etxe ekoizleak « kartak » erakusteko prest dira. IDOKI kalitate agintzak laborantzako lan-molde arduratsuak hartu ditu. Erosleari begira, gardentasun osoz ibiltzen da erranez nola lan egiten duen eta frogak ekarriz.